هل تنصحوني بشراء كرايسلر 2015 6 سلندر s امريكي

موتر جميل وان شاء الله بيجمل معك على استخدام عادي
لكن اهم شيء الممشى مو كثير لان لاحظت في السيارت المستوردة يجيبون سيارات ماشية 200-250 الف كيلو لانها رخيصة
وشوف تقرير كارفكس الامريكي للسيارة عشان تتاكد من ممشى واذا مرشوشة من قبل وبسعر رمزي

انت قلت يادوب تجمع قيمته ...يعني دخلك محدود ... يعني الوضع ما يسمح بشراء جديد من نفس النوع والأنواع مثل ذي من السيارات تكون جديده افضل على الاقل فيها ٣ إلى ٤ سنين .. نصيحتي لك تبتعد عن النوع هذا من السيارات هذا وهي جديده تطلع فيها مشاكل وعيوب مصنعيه وحدها ٣ سنين او ٤ اربع وتبدأ تطلب عاد معروف القطع غاليه وبعضها غير متوفر حتى بالوكاله .. صدقني غير تصرف عليها أكثر من نفسك عمرها ٧ سنين يعني خلاص إستهلكت.. نصيحتي لك تبحث بسعرها كورولا جديدة او النترا او سيراتو ... على الاقل ٥ سنين وانت مريح جيبك وتحتاج صيانات خفيفه فقط .. وفقك الله

انا شيكت على تقرير كارفكس وما عليها اي رش ولا اي حادث 

المشي حقها نفسه 

للامانه فيها بعض العيوب واغلب ملاك كرايزر ودوج يعانون منها
الكرمبسر ابوحساسين.. واذا خرب لا سمح الله لابد ترهم له حق ١١الى١٣.. لا تركب حق ١٤ وطالع
التكايات دايم تخرب.. مع ان اغلب الناس تحافظ على الزيت وانا منهم.. كنت اشتريه من الوكاله مع السيفون وطلع معاي صوت التكايات بالمكينه
السياره تتفكك.. يعني كراسي المساعدات وجلد عامود التولزن ومسامير التوازن. بالكثير كل سنه تغيره اذا انك محافظ
فيها عيب بالشاشه.. احيانا تشتغل واحيانا تخرب وعلى كيفها تشتغل.. اذا ماتتعرض للشمس وتوقف بمضله ماتخرب
الديكورات الداخليه جودتها سيئه.. وتتنفخ من الشمس اذا ماعندك مضله
يعني اذا ودك يعيش معاك.. لابد تحافظ عليه وتغير له افضل انواع الزيوت بعيدا عن موبار وتداريه بالشوارع ولو تغير جنوطه لاصغر يكون افضل والاهم عندك مضله

اذا ما عندك زود فلوس للصيانة و التجديد
انصحك حول على ياباني او كوري
عالاقل مقدور على قطعه و صيانته اسهل
يمدحون الاربع سلندر و لو تبي V6 موفر الماكسيما لا باس فيها

كم ميزانيتك وكم سعر السيارة وممشاها؟ في بالك سيارة ثانية؟
الموتر جميل لكن ممكن في بالك شيء افضل

انا مع الاخوان ماانصح
صاحبي معه ٢٠١٤ صدمني صدمه عمر للحين مو مستوعب
قيمه شمعه العدسهالاماميه للسياره ب ١٠٠٠ ريال (اسال عنها وتاكد بالوكاله بس هذا كلامه لي وممكن الاخوان يأكدون او ينفون)
اتوقع هذي تكفيك

السلام عليكم

ممكن تشوف خيارات افضل واضمن لاحقا من الاعطال وتوفر قطع الغيار مثل السيارات اليابانية مثل مازدا او هوندا او تويوتا ... والخيار لك وبالتوفيق

نصيحه خذ ياباني من مجرب