ابغا رايكم في كابرس دوج كرايسلر

وعليكم السلام ورحمة الله
اخوي شف بعطيك تجربتي الشخصية في سيارتين من اللي ذكرتهم

الاول كابرس 2009 ال تي زد 8 سلندر

شريته كان ماشي 40الف واستخدمته استخدام شخصي لمدة 6 سنوات ماحد يسوقه غيري لين مشى 400 الف
للامانة موتر تحطه على يمناك وخراباته قليله للمستخدم الراكد.
طبعا فيه اشياء غيرتها ذي الفترة مثل طرمبة الزيت خربت على ال220الف وكانت قيمتها 350ريال اصلي
والرديتر غيرته على ممشى 270 الف ب1300 وكالة مع ان القديم يتسيخ بس فضلت واحد جديد
واذكر على ممشى 300 الف خربت عندي علبة الفيوزات وغيرتها ب1300 اصلي
وعلى ممشى ال350 الف خرب الكمبروسر وغيرته 1600 ريال اصلي
والباقي كله اشياء عادية مثل فحمات وكراسي مساعدات وخلافة,,,لكن ميزته عمر القطع طويل.
يوم جيت ابيعه وهو ماشي 400الف ماشاء الله هدوء المكينة و نعومة تبديلات القير تقول ان الموتر جديد

ومن ناحية الاستخدام جدا سواقته حلوة وخاصة للخطوط وماشاء الله فيه قوة مكينة ورساوة ماتلقاها في سيارة بسعره.

الثاني دودج تشارجر 2019 ستاندر 6 سلندر

طبعا هذي ماقدر احكم عليها لانها توني ماخذها اصفار والان ماشية 16 الف فقط
ماغيرت فيها شي وحكمي الاول والمبدئي ان ال6 سلندر ماينفع وما ناسبني للامانة مع انها نشيطة وقوية.
سواقة الكابرس افضل من الدوج وهذا رائي الشخصي ممكن تتفق او تختلف معي فيه.
باقي الاشياء مثل ماقلت لك ماقدر اعطيك حكم لانها توها جديدة
لو وصل ممشاها فوق 250 الف هذاك الوقت اقدر اعطيك مقارنة بينها وبين الكابرس.

والله يرزقك

اناابقولك عن الي جربته كابرس ٢٠١١ ls. v8 الموتر من اشتريته الحين له تقريبا حوالي السنتين اغير زيت واعبي بنزيم خربت علي التكايات وغيرتها كلفتني التكايات حدود ١٦٠٠ ريال وشغل اليد ٥٠٠ ريال الحمدلله بعدها معاد شكيت من شي الحمدلله 
عندك الكابرس عيبه الكمبرسر رهم له حق كامري وترتاح وصرفيه البنزيم شوي عاليه لاكن عن نفسي استخدمه خطوط طويله فقط غيرها واقف 
الكرايسلر والدودج صراحه مااستخدمتها ولااعرف احد يملكها لاكن يفيدونك الشباب ان شاءالله 

فيه شي مهم نسيت اكتبه بردي فوق وهو ضروري جدا جدا تكون السيارة اللي بتاخذها نظيفة واستخدام راكد
ولازم تفحص في مركز فحص كبير ومعتمد وعندهم ذمة وضمير.

لان الدوج والكابرس بالذات مرغوبة لحقين التفحيط والهجولة نادر تلقى شي نظيف
اللي كان معي الكابرس اخذته من موظف بنك رجال كبير عمره حول ال37 سنة
فاتوقع عشان كذا ربي وفقني فيه ولا كان يتعطل علي
فلو بتاخذ واحد مكروف ومجلود بيبهذلك بالخرابات

الله يعطيكم العافية ما قصرتم رايكم يهمني لانكم مستخدمين و الي يستخدم و يقولي التجربة اتشجع اني اشتري موترة و الله يعطيكم الف عافية

انا ارشح لك الدوج اذا مايهمك الصرفيه ولو اني مكانك اخذت ياباني او كوري بنص القيمة والباقي خله معك وقت الحاجه

واضح انك تدور بالدفع الخلفي
الامريكي معروف و ان كان خلاص
اخر سيارة دفع خلفي مقدور على سعرها التشارجر
الكابرس توقف انتاجه و الكرايسلر ممكن كل الشركة توقف و تستمر دودج
في خيار اذا بتشوف لكزس GS او LS
430 او 460 ممكن تحصل مستعمل نظيف بميزانيتك
عملي اكثر و فخامة بالداخلية عكس الدودج و الكابرس

فيه سيارات اكثر اعتمادية وقطعها متوفرة عندك هوندا اكورد او مازدا 6 او تويوتا طبعا لازم تدور النظيف وتفحص وبالتوفيق

اغلب الكوابرس اللي بالسوق ملعوب فبها ومرجع ممشاها وفي مقطع انتشر من فتره واحد بايع كابرس ماشيفوق ال300 لقاه بعد فتره معروض وممشاه 170
اذا بتاخذ كابرس افحصه زين ولو فحصه يكلف لانه لو مكروف بتندم

اذا تبي نصيحتي لا تاخذ سياره ماشيه اكثر من 100 الف امريكي او غيره
انت تبي تستخدم وبالقليل بتمشي فيها 100 الف زياده احسب حساب الصيانه وقطع الغيار الاستهلاكيه وكل شي حتى 100 الف كثير بعد