أضف سؤال أو موضوع جديد          

ابغا رايكم في كابرس دوج كرايسلر

up 4 down 1
mohannad.obaida 17
قبل سنه



السلام عليكم

ابغا رايكم في ثلث سيارات امريكية و المبلغ و كل مواصفاتها

عندي مبلغ قيمتة ٤٠ الف الى ٦٠ الف ريال و ابغا موتر مريح في الخط و حق ويكند و مشاوير دورت في الحراج

رحت المعرض و انا رافع راسي و معاي الفلوس و كل شي و جالس اخذ فرة و انا من محبين الامريكي و كل يوم اخذ كلام اخوياي عنها


رحت المعارض و شفت دوج ٢٠١٦ ٦سلندر ماشية ١٨٠ الف طالب فيها ٦٥ الف عجبني سعرها رحت سالت اخوياي قالو حقت خربات و تخرب التكايات كل شوي و راح وتعاني فيها قلت خلص بشوف موتر ثاني

و رحت المعارض مرة ثانية و شفت كابرس ٢٠١٥ بلمعارض يبغا فيها ٥٥ الف عجبني سعرها قلت خلني اسال اخوياي قالولي كابرس حقت خربات و ما راح تحس بتميز علشان موديل ٢٠٠٧ نفس شكل موديل ٢٠١٧ قلت خلاص اكنسل

و تعبت رحت ادور على موتر ثاني في يوم الجمعة شفت جيب شروكي ٢٠١٤ هيمي ماشي ٢٢٠ الف سالتهم قالولي نفس الكلام حقت خربات و انا سالتة قد جربت السيارات ذولي يقولي لا بس اخوياي جربوها قالولي حقت خربات وهو ما جربها بس انا انسان اخذ رايئ كل انسان

و ابغا رايكم بخصوص الثلاث سيارات الي ذكرتها بس تكون مجربها او تعرف احد مجربها اتمنى لكم التوف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله
اخوي شف بعطيك تجربتي الشخصية في سيارتين من اللي ذكرتهم

الاول كابرس 2009 ال تي زد 8 سلندر

شريته كان ماشي 40الف واستخدمته استخدام شخصي لمدة 6 سنوات ماحد يسوقه غيري لين مشى 400 الف
للامانة موتر تحطه على يمناك وخراباته قليله للمستخدم الراكد.
طبعا فيه اشياء غيرتها ذي الفترة مثل طرمبة الزيت خربت على ال220الف وكانت قيمتها 350ريال اصلي
والرديتر غيرته على ممشى 270 الف ب1300 وكالة مع ان القديم يتسيخ بس فضلت واحد جديد
واذكر على ممشى 300 الف خربت عندي علبة الفيوزات وغيرتها ب1300 اصلي
وعلى ممشى ال350 الف خرب الكمبروسر وغيرته 1600 ريال اصلي
والباقي كله اشياء عادية مثل فحمات وكراسي مساعدات وخلافة,,,لكن ميزته عمر القطع طويل.
يوم جيت ابيعه وهو ماشي 400الف ماشاء الله هدوء المكينة و نعومة تبديلات القير تقول ان الموتر جديد

ومن ناحية الاستخدام جدا سواقته حلوة وخاصة للخطوط وماشاء الله فيه قوة مكينة ورساوة ماتلقاها في سيارة بسعره.

الثاني دودج تشارجر 2019 ستاندر 6 سلندر

طبعا هذي ماقدر احكم عليها لانها توني ماخذها اصفار والان ماشية 16 الف فقط
ماغيرت فيها شي وحكمي الاول والمبدئي ان ال6 سلندر ماينفع وما ناسبني للامانة مع انها نشيطة وقوية.
سواقة الكابرس افضل من الدوج وهذا رائي الشخصي ممكن تتفق او تختلف معي فيه.
باقي الاشياء مثل ماقلت لك ماقدر اعطيك حكم لانها توها جديدة
لو وصل ممشاها فوق 250 الف هذاك الوقت اقدر اعطيك مقارنة بينها وبين الكابرس.

والله يرزقك


اناابقولك عن الي جربته كابرس ٢٠١١ ls. v8 الموتر من اشتريته الحين له تقريبا حوالي السنتين اغير زيت واعبي بنزيم خربت علي التكايات وغيرتها كلفتني التكايات حدود ١٦٠٠ ريال وشغل اليد ٥٠٠ ريال الحمدلله بعدها معاد شكيت من شي الحمدلله 
عندك الكابرس عيبه الكمبرسر رهم له حق كامري وترتاح وصرفيه البنزيم شوي عاليه لاكن عن نفسي استخدمه خطوط طويله فقط غيرها واقف 
الكرايسلر والدودج صراحه مااستخدمتها ولااعرف احد يملكها لاكن يفيدونك الشباب ان شاءالله 


up 2 down 1
k 6 4 i 1219
قبل سنه



فيه شي مهم نسيت اكتبه بردي فوق وهو ضروري جدا جدا تكون السيارة اللي بتاخذها نظيفة واستخدام راكد
ولازم تفحص في مركز فحص كبير ومعتمد وعندهم ذمة وضمير.

لان الدوج والكابرس بالذات مرغوبة لحقين التفحيط والهجولة نادر تلقى شي نظيف
اللي كان معي الكابرس اخذته من موظف بنك رجال كبير عمره حول ال37 سنة
فاتوقع عشان كذا ربي وفقني فيه ولا كان يتعطل علي
فلو بتاخذ واحد مكروف ومجلود بيبهذلك بالخرابات


الله يعطيكم العافية ما قصرتم رايكم يهمني لانكم مستخدمين و الي يستخدم و يقولي التجربة اتشجع اني اشتري موترة و الله يعطيكم الف عافية


up 1 down 0
mohannad.obaida 17
قبل سنه



انا ارشح لك الدوج اذا مايهمك الصرفيه ولو اني مكانك اخذت ياباني او كوري بنص القيمة والباقي خله معك وقت الحاجه


up 1 down 1
dfgam 2
قبل سنه



واضح انك تدور بالدفع الخلفي
الامريكي معروف و ان كان خلاص
اخر سيارة دفع خلفي مقدور على سعرها التشارجر
الكابرس توقف انتاجه و الكرايسلر ممكن كل الشركة توقف و تستمر دودج
في خيار اذا بتشوف لكزس GS او LS
430 او 460 ممكن تحصل مستعمل نظيف بميزانيتك
عملي اكثر و فخامة بالداخلية عكس الدودج و الكابرس


up 1 down 1



فيه سيارات اكثر اعتمادية وقطعها متوفرة عندك هوندا اكورد او مازدا 6 او تويوتا طبعا لازم تدور النظيف وتفحص وبالتوفيق


up 0 down 2
reader2020 182
قبل سنه



اغلب الكوابرس اللي بالسوق ملعوب فبها ومرجع ممشاها وفي مقطع انتشر من فتره واحد بايع كابرس ماشيفوق ال300 لقاه بعد فتره معروض وممشاه 170
اذا بتاخذ كابرس افحصه زين ولو فحصه يكلف لانه لو مكروف بتندم


up 1 down 0
abdullah.97a 14
قبل سنه



اذا تبي نصيحتي لا تاخذ سياره ماشيه اكثر من 100 الف امريكي او غيره
انت تبي تستخدم وبالقليل بتمشي فيها 100 الف زياده احسب حساب الصيانه وقطع الغيار الاستهلاكيه وكل شي حتى 100 الف كثير بعد


up 0 down 0
i.abdullh 1
قبل 11 شهر و 3 أسبوع