أضف سؤال أو موضوع جديد          

رديتر كرايسلر 2015 300s

up 1 down 0
ابو يزيد 4449 13
قبل 2 سنه و 3 شهر



السلام عليكم

اسعد الله اوقاتكم
وجمعه مباركه

امس شيكت ع الرديتر ونسيت االغطاء مفتوح ومشيت ع السيارة

وانا ماشي بعد ساعتين كذا. بدون سابق انذار الحراره H واجنب

واوقف القى غطى الرديتر على المكينه والرديتر مفتوح ولا فيه مويه

خليتها واقفه 20 دقيقه ورحت جبت مويه اسدلكو وعبيته وخليته حول 10 دقايق ومشيت لان المرور يقول ممنوع توقف ع الدايري

وشغلتها ومشيت على طول على عشان احاول اطلعها على الخدمه.. وانا ماشي الا الحراره ترتفع مره ثانيه تدريجا لين ماوصلت H وعلى طول اجنب داخل الخدمه وطفيت الموتر وفتحت الكبوت عشان تبرد والقى الرديتر فاضي... خليتها حول ٣ ساعات تبرد وعبيتها مويه وجيت اشغلها

الا وموية الرديتر تنقص تنقص تنقص.. تنشفط وما ادري وين تروح.. وطفيتها قبل تروح موية الرديتر كله

وبعد ربع ساعه.. عبيتها مره ثانيه
وشغلتها والحمد لله مانقصت الموية.. خليته شغال حوالي ٥ دقايق والحمد لله مانقص مويه والحراره قبل النص بشرطه

ومشيت فيها للبيت.. ويوم قربت للبيت ارتفعت فوق النص بشرطه بس.. وجنبت وخليتها 20 دقيقه.. وشغلتها وكانت الحراره تحت النص بشرطه.. ووصلتها للبيت

الحمد لله المكينه مافيها صوت ابدا والسياره ماكان فيه اي مشكله.. لكن زله ونسيت الغطاء مفتوح وهذا اللي حصل والحمد لله على كل حال..

طبعا ناوي اخذها السبت لمركز يشوفها واحتمال اشيلها سطحه افضل.. ولكن ما ادري وش المشكله.. زميلي قالي احتمال طرمبة موية.. ونقول ان شاء الله شيء بسيط.. فهل احد مرت عليه هالمشكله..

ووش اغير بالسياره احتياطا... هل اغير بواجي وزيت المكينه مع السيفون واسوي تصيخ رديتر كامل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمه الله وبركاته
طبعا من وصفك ان السيارة من الاساس مافيها اي حرارة ولامشكله
فقط العامل فتح الغطاء ونسي يركبة
والماء كله خرج من السيارة
اتوقع لازم تنسم الهواء ليس مجرد تعبئة ماء فقط


up 1 down 0
abdullah 2009 76
قبل 2 سنه و 3 شهر



كل اللي ذكرت ماله دخل ابدااااا لا تصييخ ولا بواجي ولا شي للاسف احتمال كبير راس الماكينة اعطاك عمره دامه الماء ينقص بسرعة ولا حتى طرمبة الموية فيها شي انا ما ابيك تنصدم ولكن عشان تحسب حسابك ماشي ساعتين بدون غطاء رديتر !!!


up 3 down 3
benz lover -75
قبل 2 سنه و 3 شهر



بإذن الله امورك في السليم الموية اللي كانت تنشفط تروح المكينة. ع مااعتقد لانه تبخرت الموية كاملة.. الان امش وشوف اذا لاحظت ارتفاع عن الحد الطبيعي فمر ورشة وشيك م


up 0 down 0
ابو محمد بيشه 209
قبل 2 سنه و 3 شهر



زودها كل يوم الصبح
وشغالها والمكيف شغال وفك الغطاء خفيف توخر التنسيم وبنفس الوقت تزود النقص


up 0 down 0
tttt35035 1061
قبل 2 سنه و 3 شهر



انا مع كلام بنز لوفر، احتمال راس ماكينة 
بتسالني ليش، ب اجاوبك 
طرمبة الماء لها سوابق انذار
،ماشي ساعتين بدون غطاء 
وهذا مو خطاك لكن سقط سهواً 
الله يعينك وييسر لك وعلمنا بالمستجدات


up 1 down 0
rustic 219
قبل 2 سنه و 3 شهر



انا صار لي نفسك بالضبط لكن خبطت المكينة يوم وقفت عند البيت


up 0 down 0
القحطاني 1441
قبل 2 سنه و 3 شهر