ادخل لاهنت 300c

لا لا ابتعد موب حق كرف ابد واوبر بعد بتاكلك بنزين بتطلع خسرانة الشغلة واقساط وصيانة مكلفة ااموتر يطلب مقصات واجد وفحمات وجنوط تتكسر وقيرها حساس 

خذلك لكزس افضل اصفار ينفع لكل شي مع كرهي للياباني ولكن هذا الواقع

حياك
انت طلبت نصيحة 
تبي سيارة للبيت وتبي اطلع قيمة قصدها من اوبر وكريم
واذا خلصت قصدها تقدر تبيعه ماتنشب في حلقك
وصيانته جيدة جدا 
رقم واحد كامري اكورد 
وسلامتك

محركات الهيمي خراباتها كثير وراح تهلكك بالبنزين
يعني لو انت عندك سياره بديله 4 سلندر وتبي هذي مافيه مانع
ولكن تبي تطلعها اقساط وترتبط معهم سنوات تقسط من غير الخرابات اللي راح تواجهك
خيار غير سليم دور سياره اقتصاديه تقوم بواجبات البيت واقتصاديه
وبعدين اذا الله رزقك تاخذ الهيمي على الاقل اذا خربت عندك سياره بديله

اللي يبي يترزق الله اوبر او كريم
يطلع موتر قسطه اقل شي و سيارة على الحد الادنى من شروطهم
يعني مطلوب مكينه حجم 2000 اقل شي
شف اوبتيما استاندر سعرها مقبول
و ترا الشغله مهي مربحه مثل اقول
و لا عليك من كلام اللي يقولون اطلع بالشهر ١٥٠٠ او الفين
او حق بنزين ثمان سلندر
كلامهم مهو دقيق و انت بتقسط ليه تشفخر ؟
كان معي باجيرو قسطه ١٦٠٠ و بنزينه شهري ١٢٠٠
اشوى انه راح تالف من الله و افتكيت منه
ذيك السنه خساير عليه و مصاريف مدري كيف كان تفكيري !

ماقصرو الاخوان افادوك،،،.
اذكر مع رفيقي الكلايزلر،،،
صيانه قويه،، ولا لي ورشه تعرف له،،
فا عليك بموتر قسطه معقول وصيانه مقدور عليها
خاصه بتكده مشاوير أوبرا،.
كامري، ومن مثلها

بقولك نصيحه بخصوص اوبر
اوبر يقبل فئة السوناتا واوعلا معد يقبل كورولا اوالنترا
يبغون سياره مكينه 2400 وفوق وهذت من شروطهم