أضف سؤال أو موضوع جديد          

مشكلة الدركسون ولخبطة حساسات

up 0 down 0
almahzrii
قبل 2 سنه و 6 شهر



السلام عليكم ورحمة الله وبركاته 
عندي كرايسلر 2013 
اول ما بدت المشكلة فيها ولعت لمبة المكينة لان كان فيه امطار غزيرة وتوقعت بسبب الماء دخل حساس اوشي وفصلت البطارية ورجعت شبكتها والحمدلله السيارة تمام .. وبعد استخدامها اسبوع كامل وقفتها وسافرت .. رجعت شغلتها بعد شهر او اكثر واول ما ظهر لي لمبة الجلنط وانا ماشي تولع وتطفي .. اليوم الثاني لاحظت اذا وقفت اسمع صوت الباور ستيرنج شغال مستمر والمفروض ما يطلع صوته الا مع لفة الدركسون .. اليوم الثالث ظهرت عندي علامة الباور ستيرنق وكان الدركسون ثقيل ما يلف نهائيا .. رجعت شغلتها بنفس اليوم ولف معي الدوكسون وكانت علامة الباور ظاهره وزادت عليهاعلامة مانع الانزلاق والجلنط والمكينة وحساس ضغط الكفرات .. خليتها كم يوم وشغلتها وديتها للفحص وطلعت الاكواد الي ظاهرة بالصورة وبرمجها وراحت ورجعت السيارة طبيعي .. للكن اليوم الثاني رجعت اسواء من اول .. تغير لون علامة الباور من اصفر لاحمر وحرارة القير تطلع للفل بدون ارقام وترجع للنورمل .. قررت اوديها المتحدة واسوي فحص لاكن اذا عشقت في الD ومشيت تطلع طقطقة في القير الصوت من عند عصئ التعشيق طق طق طق وتزيد مع السرعه .. وقفت الموتر وسافرت ولها الان شهر واقفه وانا راجع ان شاء الله بعد 4 ايام .. وش تنصحوني فيه وهل عندكم حل للمشكلة .. انا مغير طرمبة الباور بعد حادث للكن قبل سنتين .. وكان الزيت مو اصلي وانا تساهلت فيه .. ممكن يكون بسببه خربت الطرمبه وهل بسببها تطلع هالاعطال ؟











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هذه الاكواد ماتجي من مشاكل مكانيكية بل كهربائية وبلعادة تكون بسبب عطل احد الحساسات او القطعة نفسها
انصحك تكلم كهربائي اسمه احمد الحربي وهذا التويتر حقه

https://twitter.com/TandCars


up 0 down 0
انت اخر امالي 624
قبل 2 سنه و 6 شهر



وعليكم السلام 

اعتقد المشكلة تتبعة  للمشكلة الاولى وممكن الماء وصل لاجزاء ثانية

حاول تفتح الكبوت وتخليها  فالشمس باذن الله تروح المشاكل ،،،،شيك على علب الفيوزات وافحصها وشف اذا فيها ماء 


up 0 down 0
ابو حسين.......... 1024
قبل 2 سنه و 6 شهر



ما قصرتو الله يسعدكم .. باذن الله راح اتواصل مع الحربي 
.. ابو حسين ممكن صدقت هذي تبعات للمشكلة الاولئ .. للكن استهدمت الموتر بعدها مرتين في كل شهر اسبوع او 10 ايام وبعدها بدت المشاكل .. يعني بعد توليعة التشك انجن ب شهرين بدت اللخبطه عني 


up 0 down 0
almahzrii
قبل 2 سنه و 6 شهر



هالمشاكل اللي ظهرت معك واللخبطه على وصفك مالها تفسير عندي إلا إن الكمبيوتر فيه التماس وصار يقرأ قراءات خاطئة ويعطيك علامات مغلوطة راجع الكهرباء عند واحد شاطر فنان مشهود له بالخير والخبرة وخلك على راسه نصيحة


up 0 down 0
أبو تمام 1 247
قبل 2 سنه و 6 شهر



ابشركم انحلت المشكلة والسبب بسيط جدا .. فكيت علبة الباور ستيرنق لاني كان عندي شك انها ناقصه زيت  وفعلا فكيتها بيدي ولقيت العظمة الي طالعة من العلبة ومشبوك فيها هوز مكسورة وهربت الزيت .. فكيتها ونظفتهل ولحمتها بغرا ولحام بارد وطبقت وشغلت السيارة عشان الطرمبة تدفع الزيت القديم الي باقي في اللدودة وعبيت الزيت ويارب لك الحمد .. بعد 10 دقايق والموتر شغال بدت تطفي العلامات وحده ورا الثانية وبدا يخف الدركسون وصار افضل من اول .. بقيت لمبة المكينة ما راحت الا بعد ما فصلت البطارية لمدة 10 دقايق .. والحمدلله كل هذا الشغل كلف ( 133 علية زيت دركيون من الوكالة ) ( 10 لحام بارد ) ( 3 غراء سوبو جلو ) - اتوقع بسبب التهريب والمسر صار مافيه قوة ضغط عشان تتحرك الدودة عشان كذا فصلت الطرمبة وصلبت الطاره - والطقطقة بسبب قفل القير ما فك عشان ما امشي علئ السيارة ويقفل علي الدركسون فجاه سيفتي اتوقع .. ما قصرتو جميع والله يتقبل منا ومنكم صالح الاعمال بهذا الشهر الفضيل والمعذرة علئ الاطالة


up 0 down 0
almahzrii
قبل 2 سنه و 6 شهر