اصحاب الكرايسلر

هي سيارة مثلها مثل غيرها بس لاتطيح بمكروف وفتح عيونك علنظيف عموما 2014 يعني عمر السيارة 5 سنوات

1- شيك على التسريبات من تحت من كل الجوانب وكل النقاط وهذه انت تكشفها بنفسك بعد ماتوديها مركز الفحص ويرفعون السيارة

2- لايغرك لمعة البوية او صوت المكينة الهادئء هذه سهلة علشريطي ومن دون لا رش ولا اي شي لذلك البودي لايهمك كثر بطن الموتر

3- بحكم العمر لازم تعرف ان بتحصل ملاحظات علنظام التعليق إما مساعدات او مسامير توازن او كراسي مكينة وممكن باسوء حال كلها
تحصلها !

4- حاول ان السيارة الي تشتريها لها سجل فبترومين عشان يكون سهل عليك كشف ممشاها

5- تاكد ان كل الانوار تشتغل وكل التجهيزات وشغل كل شي بقدر الامكان حتى لو وصل الامر لسفط المراتب وان كانت الفئة فوق الاستاندر شيك على مساعدات الكبوت هل تعطلت ولا لسى فيها حياة ؟؟ وحتى المفارش حتى وانت بكرامة الارجل تاكد من توافرها < صدقني من تتدبس فيها ماينفع ليت

6- حاول تاخذ اعلى فئة نظيفة تحصلها (يعني فل كامل ان حصلت) وابدا لاتطيح بستاندر مرهم له شاشة او كاميرا او حتى زينون !! السيارات الامريكية بعد الترهيم ماترجع وكالة لو ايش وبتظهر مشاكل ماتتوقعها ابدا !

7- لاتفكر بالممشى قبل النظافة


ووبالنهاية السيارة هي مركبة الرجل المحافظة لو تعطيها صيني يعيش معاها
واما الرجل الي بس تعرف الكرف لو تعطيه دبابة بيتلفها

انا اشوف السياره هذي من اقوى السيارات الي ممكن اقولك امريكيه امريكيه عزم وقوه وثبات وهيبه بس الي يبعها وكيلها وان شاء الله ماراح تحتاجها لأن عندك ورش متخصصه لها وانصحك با6 سلندر خرباته قليله

ممكن كل كريسلر توقف انتاجها مثل ما وقفت فورد ميركوري
و من اول الوكيل عندنا غثيث بالقطع و الصيانه
و يطيح سعره مدري شكله كلاسيك مهو مثل التشارجر في ناس واجد تبيه
و مع سعر البنزين المتقلب يمدحون ذوات الاربع سلندر
و المعذرة على اللقافه