مشكلة حرارة سياره الكلزلر 2006 هيمي 8

شيك على طرمبة الماء 

حتى الخبره مايقدر يفيدك من ورا شاشة وهو مايدري عن الموتر اساساً لو تكلم اطلق ميكانيكي في الكرايسلر مايقدر يفتي لك من كلام


لأن الحرارة مسبباته كثيرة ودورة التبريد تمر بسلسة كبيرة مهيب قطعة ولا قطعتين يعني لابد تكشف عند ميكانيكي كويس وعارف وش قاعد يقول يمشي عليها قطعة قطعة ويعلمك مهب تغير وبس يعني الحين كل هذا غيرته وما استفدت شي خسرت على الفاضي وفيه اشياء يمكن غيرتها مهيب خربانه


ف لازم يعرض على ميكانيكي كويس يتفحص دورة التبريد زين يشوف دفع طرمبة الماء كيف يمكن ضعيفة يمكن المشكلة اساساً في المكينة الخ .....


لذلك وده لورشة متخصصة كرايسلر او ميكانيكي كويس وفاهم وبيعلمك الخلل

اهم شي لاتمشي عليها وهي حاره ،
الاحتمالات كثيره ومن ضمنها طرمبه الماء ، وايضاً سرعه المراوح
او المروحه فيها ضعف ممكن ، 

وعندك ورشة شرق الرياض على طريق الامير بندر مقابل بنك الانماء
متخصصين في الدوج وكلهم نيباليه وفاهمين ، 

ماتشوف شر

شيك على طرمبة الموية اذا كانك ما غيرتها لانها ترفع عليك الحرارة فجأة اذا خربانه 

شيك على طرمبة الموية اذا كانك ما غيرتها لانها ترفع عليك الحرارة فجأة اذا خربانه 

من خلال تجربه اتوقع راس المكينه مشعر والله اعلم
سيارتي عذتني حراره وسبحان الله طلع راس المكينه وسويتله خرط ونص توضيب وزبط

فيه ورشه على طريق خريص خلف المتحدة للسيارات في بنزينه الشارع اللي بين المتحدة ومرسيدس ميكانيكي سوداني اسمه خليل فاهم في الدودج والكليزلر كان شغال في الوكاله شوفه يمكن يفيدك

اذا حرارة السيارة تجي فل ذي راس المكينة او ترتفع على النص واذا شغلت المكيف ترتفع اكثر ذي اغلب شي من دينمو المروحه اللي يشغل المروحه نفسها تشوفه شغال بس دفع الهواء ضعيف مايسوي شي