محتار فيBMW 320i 2018 ولا كرايسلر 300s

بالله تقارن بي ام بكرايسلر مهما كان حجم ونوع البي ام

نصيحه بي ام افضل يكفيك الماني وشعارها يفتح الباب النفس
تأكد عليها ضمان صيانه لأن صيانتها مكلفه

وللعلم البي ام ضيقه النوعيه الي تبيها لو ماعندك مشكله خذها او خذ الكلايسلر اذا عندك عائله

يعني خياراتك الاثنين مافيهم اي تقارب بالله كيف نساعدك او نحدد ؟ هذي فئه وهذي فئه واختلاف كبير بالحجم وفرق كبير بالمكاين وفرق كبير بكل شي ... الافضل تكتب ايش عندك من عدد عائله وايش ميولك وليه علشان نساعدك

يعطيكم العافية أنا ميولي أبي سيارة شبابية و إنسان مب مقبل على زواج ولا أفكر إن شاء الله إني أبيع سيارتي,, انا حدي 175الف و الإثنين
شفت انهم متقاربين في السعر و أحترت وش أخذ و وتكلفة الصيانة بالنسبة للبي ام مقارنة بالكرايسلر هل الفرق كبير ؟

البي ام الفئة الثالثة حجمها صغير مقارنة بالكلايسلر المفروض تقارن الكلايسلر بالفئة السابعة او الخامسة

اكيد الكلايسلر افضل لانها اكبر واوسع ومكينتها اقوى الا لو بتاخذ الفئة الخامسة او السابعة هنا ارشح لك البي ام

وميزانيتك تجبلك لكزس es ولنكولن ام كي زد الشكل الجديد فخمة ومواصفاتها على كيفك مع صيانة 5 سنوات مجانية وعندك كادلاك وجنسس

ولو تبغى نصيحتي خذ بي ام من عندهم في الوكالة قسم للمستعمل مع ضمان سنتين وصيانة مجانية يعني نظيفة تاخذها بنصف السعر لكن لاتتوقع عزلها ممتاز لانها فئة صغيرة

دامك وصلت للمبلغ هذا وحطيت خيار بي ام دبليو ...
ليش ما فكرت بالفئة الخامسة ..؟؟ تاخذلك مستعملة من نفس الوكالة وممشاها اقل من 5 آلاف وبسعر ممتاز
او بالمعارض تلقها أرخص وأرخص ومشمولة ضمان والخ ...

الكرايسلر خيار جيد لكن بتتغير شكلها للمعلومية

بي ام دبليو سيارة عالمية ولها شعبية بعد مرسيديس في كل العالم، اسيا ك، اروبا، افريقيا، امريكا الشمالية والجنوبية. 
كرزيلر ما اشوفها الا في كندا، امريكا، الخليج. 
الكريزلر تعتبر  سيارة فخمة لكن انت ماحددت اي نوع، في فرق ١٠٠ الف بين اقل وأعلى فئة. 
لكن لو للإستعمال اليومي ما انصح فيها، وال٦سلندر مو هذاك العزم والتسارع اللي تتوقعه. أعتقد هي ٣٦٠٠ سي سي نفس مكينة التشارجر، وشوف كم وزنها، لهذه السبب يقولوا يا تأخذ ٨ سلندر او لا تأخذ، مو يعني انها قوية ولكن لأن كل السيارات اللي معاك في الشارع حجم سياراتهم اقل من نص حجم مكينتك، والا لو تجيب ٨ سلندر اودي او مرسيديس او جينسس ماتشوفهم 
-البي ام لازم تشوف نوع البنزين وهل فيها تيربو او لأ، وانا ما انصحك بأي مكينة اقل من ٢٠٠٠ سي سي تيربو
بالنسبة للقير كلهم ٨ سرعات ومن نفس المصنع. 
البي ام الصغيرة تعتبر حقت كرف في اروبا واستعمال يومي، لكن احنا نعتبرها فخمة ههه
عندي اقتراح اخير خذ نظرة على جي ٧٠ شكل جديد و تجمع بين القوة والفخامة والخفة وافضل ضمان من بين كل السيارتين. 

يعطيكم ألف عافية يإخوان ماقصروتو وبيض الله وجيهكم

وش اخترت ؟  وعطنا تجربتك