حل مشكلة كود 0101 الي هو خلل بالكمبيوتر كرايسلر 300 ..
13
1
إضغط هنا للإخفاء
لسلام عليكم ورحمة الله وبركاته ...
اخواني انا قبل يومين واجه مشكله غريبه ان طفيت السياره ومافيها شي ..
جيت ثاني يوم شغلتها وكانت غريبه و لمبه التركشن كنترول مشغله وال esp off شغاله الثنتين .. ومن تشغلها المراوح تشتغل دايركت .. واذا عشقت للدي او الار تسمع طقه قويه ..
ويوم تمشي تكتشف ان السيارة ماتتعدا 50 تقريبا لانه مايعشق ثاني ..
- سويت فحص الاكواد وطلع لي 0101 .. ورحت فحصت عليه وطلع ان خلل بالكمبيوتر القير والمكينه ..
المهم ان شيكت الاسلااك حقت الكهرب والظفيره .. وطلعت المشكله من اسلاك الظفيرة الي بالخلف ..
البطارية طلعت المويه حقتها وانكبت على الاسلاك و سوت قلق شوي .. و صار ان الكمبيوتر يعطيك انه متعطل .. وكان حلها تضبيط الاسلاك وتغيير البطارية .. ومن بعدها ماشاء الله كل شي مضبوط ..
وماشاء الله تبارك الله ...
حبيت افيدكم عشان الي تجيه مايروح يتهور ويغير كمبيوتر ..
قبل كل شي يروح ويشيك البطارية ويرفعها ويشيك الاسلاك حقت الضفيرة ..
والمشكله هذي صايرة حق ثنين اعرفهم وطلع عندهم نفس الشي .. وضبطوها ورحت ضبطتها انا .. ف حبيت اشارككم الحل ..
واذا ضبطت الاسلاك وكل شي .. خليه يغطي الاسلاك عشان لاسمح الله ماتصير مره ثانيه ..
والسلام عليكم ورحمة الله وبركاته ..
إبلاغ
الردود
شيكت على البطارية لقيتها مثل ما قلت
نازل منها الموية بس شيء لا يذكر من عند اصبع البطارية
وما نزلت على الاسلاك
هل البطارية تسوي المشكلة هذي ؟؟؟؟
0
1
مايمنع انك تشيك قبل ماتغير الكمبيوتر وتدفع فيه مبلغ وقدرة ويطلع مو منه
0
0
0
0
0
0
0
0
قبل 7 سنه و 9 شهر