أضف سؤال أو موضوع جديد          

مشكله بكرايسلر 2012

up 3 down 1
ابو منصور..... 17
قبل 6 سنه و 5 شهر



السلام عليكم ورحمة الله وبركاته .. مبارك عليكم الشهر .


اخواني الاعزاء انا شريت كرايزلر قبل شهرين تقريبا وفحصت الموتر عند مركز الشروق اللي بالنسيم وما طلع به شئ ..


المهم قبل كمن يوم وانا راجع من الشرقية وقفت الموتر واحس انه قام يرجف شوي واذا دعست عالبنص كامل فجأه ما يوصل 5 يوصل 3 او 3ونص ويقطع ويدعس من جديد ويقطع وانا دعستي وحده واذا دعست نص البنص عادي اموره مزبوطه يوصل 5 طبيعي



 والمهم رحت اليوم لابو خليل اللي كان شغال بالمتحده وشاف الموتر وقالي شغل يدي يبي له 2000 ريال جلطن الوسخ ..ههههههههههههههه

وقلت وش المشكله قام يقولي لازم افك المكينه واشوف وش المشكله وقالي مره وحده غير التكايات والجنزير والطرمبه و... و... ومع القطع راح يكلف كل شئ 7000 الى 8000 انا انجلطت وشغلت موتري ومشيت وانا اهوجس ..ههههههههههه

المهم ي جماعه الخير وش المشكله اللي عنده خبره بهالموضوع لا يبخل علينا بالله !؟؟؟ 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شيك على حساس فلتر الهواء اللي في القربة ونظف بخاخات وإن شاء الله موترك ما فيه إلا العافية


up 2 down 2
أبو تمام 1 247
قبل 6 سنه و 5 شهر



مشكلتك من احد الكويلات والله اعلم
خبرنا وش يصير معك
بالتوفيق


up 1 down 2
acoordian2005 358
قبل 6 سنه و 5 شهر



حبيبي المكينه مافيها الا العافيه اول شي تسويه بنفسك شيك 
على افياش الكويلات و البخاخات لو ينفصل واحد تصير 
نفس اعراض موترك ترجف المكينه وعزم ميت صارت معي 
بس للامانه وقتها م دعست شبكت البخاخ لانه منكسر وزبط 
ومشكلتك حوول بخاخات كويلات مع افياشة 
وعشان م توجع راسك افحص كمبيوتر 


up 3 down 0
rmos 18
قبل 6 سنه و 5 شهر



السياره كم ماشيه
هل ولعت لمبة المكينه


up 0 down 2
ابو فرهود 357
قبل 6 سنه و 5 شهر



الله لايوفقه الحرامي تف على اشكاله المفروض البلد تطرد الاشكال ذي
انااتوقع والله اعلم ان مشكلتك من طرنبة البنزين 
شف اذادعست الابنص حسيت السياره تكتم ورفعت رجللك تحسها تمشي 
واحيانانسمع صرقعت الكويل هذي طرنبة بنزين 1000000%
اما اذاكان غير ذللك افحصها كمبيوتر وراح يبين الخلل للك ان شاءالله


up 0 down 0



معليش عالتاخير .. الموتر مديله 2012 ولمبة المكينه ما ولعت وممشاه 160 تقريبا 

اول شى سويته يوم وصلت للرياض شيكت عالكويلات وما فيها شئ .. 

انا بس احتري الاجازه لانه مع ذا الدوام ما يمديني احك راسي ولا يمدي افضي للموتر وابخبركم وش يصير عقب ان شاء الله ..


up 1 down 0
ابو منصور..... 17
قبل 6 سنه و 5 شهر



ودي اعطيكم لايكات بس ما يمدين يقول لازم ثلاثين .. شكرا لكم على وقتكم 


up 0 down 0
ابو منصور..... 17
قبل 6 سنه و 5 شهر



السلام عليكم

ياليت تعلمنا وش صار معك أخ أبو منصور

لأن نفس المشكله عندي بسيارتي

وغيرت صفاية البنزين والطرنبه والبواجي ونضفت البخاخات وفرغت الدبات ومازالت المشكله موجودة

وشكراً


up 0 down 0
saud2222
قبل 5 سنه و 11 شهر



أنحشششششش عن ابو شكيب النصابين الحرامية اليهود
بأذن الله سمو الأمير محمد بن سلمان يطلع قرار بمنعهم من العمل في السعودية و زج المخالف في دهاليز السجون

حراااااامية من تجربة
رح لأي ميكانيكي من أي جنسية لو ما يفهم أهم شي لا تروح لبو شكييييييب


up 0 down 0
vipbvip 9
قبل 3 سنه و 7 شهر