وش رايكم في كرايزلر c300 v8 ؟

القطع الميكانيكية يعني معقولة 
لكن قطع البدي غاليه بشكل ماتتصور 
الموتر فخم خاصة الفل كامل عليه مواصفات ماتحصلها باللكزس GS 
انصحك فيه لكن لا تدفع فيه اكثر من 90 الف 
لانه يطيح سعره بقوة وغير كذا نزل عليه فيس لفت
اذا ماحصلت بالسوق بهالقيمة شف مكتب استيراد او خذ مستخدم امريكي ارخص 

حلو الكلز ومعروف 
خذ فل كااااامل لاتنزل عنه وهتدعيلي رزين وحلو 
وساكب ف الخط.. 

و شوف الفروقات بين السعودي والامريكي
وشوفلك مستخدم من امريكا يجيك بعد 45 يوم احسلك من هنا 

.. الموتر حلو و راسي و قوي و فخم و القطع المكانيكيه رخيصة لاكن عيبة محد يعرف يشتغل فيه
ولو لقيت اللي يشتغل بياخذ عليك سعر عالي يعني 90% من الخرابات رح تلاحظ قيمة الشغل اعلى من قيمة القطع
غير كذا سيارة تتحمل ماشاء الله انا عندي الشكل اللي قبله ماشي 300 الف لاكن مثل ما ذكرت لك الصيانة
غاليه مقارنه بسيارات الامريكيه الثانية

و شي ثاني يعتبر ميزه و عيب الكرايزلر كلها حساسات فايدتها تنبهك بأي شي على الشاشه من غير ما تفحص
لاكن مشكلتها كل شوي يخرب عليك واحد

^^ 
كيف كل شوي يخرب واحد 
هل تقصد القديم ولا الجديد؟

الله يعطيكم العافيه ياشباب لا هنتو. 

كل شوي يخرب حساس في الشكل الجديد و القديم

و اذا قررت تاخذ لا تاخذ سعودي نهائيا والله 99% درفتات و مطارحات افضل لك تاخذ واحد بطاقة ما مشى في
السعوديه او انك تستورد لك واحد من المكاتب حتى لو زاد معاك السعر عادي اهم شي تاخذ النظيف
السيارة مثل ماهي تكرف تراها حساسة و تحتاج محافظة ولا رح تتعب مع الورش و على فكرة ما اذكر مر
علي عطل كلف اقل من 1000 ريال طبعا غير القطع الاستهلاكية عشان كذا لا تستخسر الفلوس الزايدة اللي بتدفعها
للمكتب و اذا بغيت اي شي اسألني و بجاوبك بصراحة ما بمدح فيها لانها عندي

shadowz33 الله يوفقك ويبيض وجهك ما قصرت يالغالي على النصيحه .