تنصحوني ب كلايزلر ؟ ابغى مشورتكم .

و الله و انا اخوك الافضل تاخذ 2008 و فوق 

بخصوص قطع الغيار انا انكسرت عندي مسكة باب السواق و قيمتها 380 
ثلاجة المكيف عندي شاك انها بدت تفلسع و قيمتها 2800 في الوكاله

اخذت اقمشة سيراميك طقم كامل قيمتها 570 صناعة امريكي _ كوري

بصفه عامه اللي غالي هو قطع البودي اما القطع الاستهلاكيه سعرها وسط

و انا انصحك فيها اذا حصلت وحده نظيفه 8 سلندر

الكلايزلر سياره سيدان فخمه واعطالها قليله بسبب جودة مواد التصنيع العاليه فالسياره تتشارك مع مرسيدس في المحركات وهيكل السياره لأن في الفتره مابين 2003 إلى 2009 تحالفت دايملر كرايزلر ومرسيدس وسمي بتحالف القرن وأصبح اسم الشركتين دايملر بنز 
فقد قامت مرسيدس بتطوير سيارات كرايزلر وقدمت لنا كرايزلر سياره 300c  وهي بالأساس مرسيدس بهيكل كرايزلر.
وتفككت الشراكه بين الشركتين في 2009 بسبب الأزمة المالية العالمية أواخر عام 2008 وأيضا انتهت ماركات كثيره بالسوق مثل ميركوري وبونتياك والهمر في عام 2009.

المشكلة الوحيده التي ستصادفها بالسياره هو الوكيل وإرتفاع اسعار قطع الغيار أما السياره ماعليها كلام وهي تتشارك أيضا مع دودج تشارجر في قطع المحركات ..

بالتوفيق. 

معليش تقول سيدان فخمة

وين الفخامة فيها 

شكل خارجي قوي و حلو

الداخلية سيئة جداً مقارنة بالشكل الخارجي

شكل الديكورات و المراتب و كل شيء سيء

افضل التشارجر عليها 

التشارجر شبابيه اكثر وحجمها اصغر شوي 

انا من رايي تشتري تشارجر من الشكل اللي من 2010 وطالع

البارح  ،، جالسين  عند الشباب  

وكان نقاش مع احد الشباب معه كرايسر 2006  له معه 6 سنين 

طبعا يتردد  عليها دوام يومي 140  ك يومي رايح جاي ،، 
غير الخطوط والسفريات 
يقول اول ماشريتها  بعد فتره ركبت رديتر ب700   وجلست كم سنه ماحطيت ريال ،، 
بعدها  دخلتها صيانه بالوكاله ب6000 ريال
طبعا غيرت الفحمات ب1200   
مرتين ،،  ، طبعا سواقته  هاديه ،،  ويحافظ عليها ،،
بصراحه  هو يمدحها  ،،  ويقول انه يبحث عن2010  نظيف ،،

يقول  ماتصلحها إلا في وكالتها  
و وكالتها  زحمه ،،،
يمدح الموتر يقول مريح ،،  
وتكد ،،  واحد الشباب  يقول  اعرف واحد معه2005  خربت قطعه  غيرها ب5000 ريال ،،
ورد عليه راعي الكرايسر 2006  وقال   ابو  كرايسر 2005  كدت معه سنين طويله وخطوط  ومافيه مشكله غير القطعه ،،

بختصار  ،،  السياره انا ما امدحها ولا اسبها لاني ماجربتها ،،
لاكن نقلت لك الحديث اللي دار 

بالنسبه لي الموتر ماجربته  ولاعندي نيه ان شاء الله اجربه ،، ،،

والله ياخوي انا معاي كرايسلر 2006  6 سلندر 3.5L
الحمدالله وماشاء الله امريكيه لها معي ٦ سنين ما اشتكت من شي .. اللهم اشياء استهلاكيه 
وموتر ممتاز وراسي  جداا و عزل ممتاز .. والقير اللماني بعد.. من مرسيدس
يعني شغل مضبوط 

وقطع غيارها يعني وسط 
مهب غاليه ذاك ومهب رخيصه./ يعني تقدر تدبرها ..