مفتاح الكرايسلر ضايع

جب لك واحد حق مفاتيح وخله يفك السلف وياخذه معه ويقص مفتاحه عليه ويبرمجه


ولا تنسى كل تكاليف القص والمفتاح نفسه والبرمجة يتحملونها الورشة لا يلعبون عليك ويقولون حنا مالنا دخل ولا النص بالنص جب لهم فواتير أول بأول وخلهم ينقونها كلها انت منتاب ناقص خساير انتبه لا يلعبون عليك وهاذي غلطتك وانا اخوك انا استغرب من بعض الناس اللي ماعنده الا مفتاح سيارة واحد ياخي طيب ضاع انسرق لا قدر الله انكسر صكيت عليه والموتر يشتغل وش بتسوي خسارة 200 ولا 250 حقت مفتاح مع برمجة ولا تلطيعك الحين وتفكيك ديكور وحالتك حاله اصلن السبير زين يمكن انت طلعت من البيت والمفتاح معك واهلك محتاجين السيارة


عموما هاذا درس لك ولغيرك ان السبير مهم وان حصل مهب 1 ، 2 ثلاثة مايضر بالعكس احسن واريح .... تقبل مروري

جزاك الله خير اخوي وبالنسبه للموتر توني شاريه ماخذ لي اسبوع وماعطاني راعيه الا مفتاح واحد ماامداني افصل عليه

عالعموم يعطيك العافيه

حياك الله 
اخوي اذا السيارة مشتريها من الوكاله . عطهم رقم الهيكل وبيعطونك ان شالله المفتاح لكن لابد وجود السيارة لعملية البرجمة .. وهذا حل الانسب لكن ذا كان سعر الوكالة مكلف ابحث عن محل مفاتيح واكيد فيه محل متخصص ومعروف ولاتروح لاي واحد يحوس عليك البرمجه يجي معك للسيارة ويفك السوتش ثمن يرجع للمحل ياخذ مقاس .. ويرجع للسيارة ويركب السلف ويبرمج وكلها مكلفه ومتعبه تكلفه من 300 الی 500 واذا الورشه مضيعها يتحملونها واهم شي لاتنسی تسوي الاسبير .. ولعل في ضياع المفتاح خيرة .. وشكراً

جزاك الله خير

مشكله والله اذا فيها فك السلف لان اقرب محل تفصيل مفاتيح يبعد حول الاربعين كيلو صعبه يجي معي

فما ادري وش العلم

واذا رفض راعي المحل

من اقدر اشتكيله لاي جهه اروح

طيب اخوي السيارة مفتوحة ولا مقفله ؟؟؟


اذا مفتوحة زين على زين نزل القير على الفاضي وفك الجلنط وشلها بسطحة لين محل المفاتيح وهو يزبطها لك


اذا كانت مقفله وهاذي الطامة الكبرى لازم تجيب أحد لأن صعبة تكسر القزازة وتخرب السيارة وصعبة بعد انك تشيل الموتر وهو على p ممكن يتأثر


الله يعينا وياك ولا تنسى لين جيت تفصل مفتاح خلها 2 واحد تتحمله الورشة والثاني ادفع قيمته انت وخله عندك

أولاً الاسلوب الطيب والنقاش راح يحل اصعب المشاكل .. وصدقني هم راح يتحملون ضيعة المفتاح . انت بلغهم لايوجد معك اسبير وهم بيدبرون امورهم . لانهم بيفكون السوتش وراح يودونه وبيرجعون يركبونه يعني مارح يكلفهم شي .
اما اذا رفض او طالب بنص القيمه . وانت غير مقتنع او راضي لاتزعل نفسك ولاترد عليه باي كلمه ابتسم واطلع عند باب الورشه واتصل علی الدوريات الامنيه وقل عندي مشكله مع ورشه بيجون وياخذون مشرف الورشه وعلی اقرب قسم . وبرضوه الحق معك وراح يتحملون القيمه .. وبالتوفيق

الله يعينك المفتاح جديد ب 700 والبرمجه 300 يعنى 1000

التكاليف على الورشة مو عليك لأنهم هم الي ضيعوه وغير كذا السيارة كانت بعهدتهم مو بعهدتك انت فأنت ماعليك شيء على الورشة لان السيارة مسؤوليتهم لانها عندهم .. 

مره ورشه الكهربائي حقهم فجر البطاريه قلت له البطاريه ممتازه بس مايعرف

قلت لواحد منهم اللي ماسك الورشه تتحملوا قيمة البطاريه رفض كأنه ماسوا شي

المهم رحت ادور على تلفون قبل ماتنتشر الجوالات دقيت على الدوريه وجاني العسكري 

قال شوف بنروح معك بس مالنا صلاحيات نسوي شي قلت مو مهم انت بس تعال معاي 

والله ياخواني انا بس وقفت والدوريه وراي نط الرجال الللي كان مسوي فيها مدير نطه على كيفك 

وياخذني وتعال شوف العتاب كأننا متحابين :)     يقولي له يازلميه بتجيب النا الشرطه 

لك الله غيروا البطاريه على حسابهم لما شافوا العسكري وانقلبت معاملتهم  تماما .... حسيت اني طلعت عن الموضوع ههههه

المهم انت كلمهم يتحملوا قيمة المفتاح رفضوا شف لك عسكري وقوله الورشه حاجزين 

سيارتي ومالك دخل تعرف سيارتك شغاله وانتهى الموضوع:)

وانا اخوك خلهم هم يتحملون المسؤوليه


انا عندي مفتاح وابي سبير يكلفني حول 700 ريال


كيف لو انت تقريبا بتكلف من 1500 الى 2000