هام جدا وش افضل اوضب ولا اشتري من التشلبح ؟؟؟؟

أنا مثلك كنت محتار وبحث وسألت أكثر من واحد في المجال من ضمنهم ملاك ورش وتجار قطع غيار

وكلهم نصحوني أني آخذ مكينة من التشليح بشرط أنها تكون نظيفة وممشاها قليل

التوضيب يفترض أنه يعطيك نفس اداء مكينة التشليح لكن الي حاصل أن الغالبية العظمى من الورش

اذا جوا يوضبون يبدلون لك القطع التالفة في المكينة فقط بينما القطع الي فيها نص عمر أو الي يفترض أنها تتغير

مع القطع التالفة يتركونها على حالها وبالتالي ممكن ترجع لك نفس المشكلة بعد فترة

انا ارشح لك , انك توضب المكينه بالكامل , وتشرط عليهم تغير جميع القطع التالفه و اللي فيها نص عمر عشان تعطيك بكره عمر اطول , وانا ما اثق في التشليح لانه يمكن تنكب فيها وتمشيك حق 6 شهور وتقعد في خراب الى خراب , الا اذا حصلت وحده نظيفه ومشروطه من والى , فخذها وتوكل على الله اهم شيء نظيفه شرط

من رأي لك أخوي شفلك مكينه من التشليح أفضلك وخذ عليها ضمان لا يقل عن شهر
التوضيب راح يكلفك ضعف مكينه من التشليح
وأنصحك تشوف المكاين المستوردة من أمريكا إذا حصلت شئ نظيف توكل ع الله 
وبالتوفيق لك وأخر الخرابات إن شاء الله

نصيحه نصيحه نصيحه نصيحه 


لاتوضب 


خويي موضب هيمي وخرط الرآس ولاعاد ضبطت المكينه اللهم اني بلغت اللهم فاشهد

من التشليح خذها والافضل تخليهم يفكونها من السياره لا تاخذها مفكوكه تشوفها ملمعه ونظيفه وإذا ركبتها تطلع تخلط مويه مع زيت مثل ماصار معي اكلت مقلب ذاك اليوم ألييييييم بس رجعتها لهم واخذت فلوسي بس خسرت 1200 قيمة التركيب بعدها شريت من تشليح البيان ماكينه فكوها من سياره مصدومه ومشت معاي سنتين بدون مشاكل ولا تهريبات بعدين جاي ابن الحلال راعي التشارجر خلالي السياره تشليح ههههههههههه ☺

اهلا




التوضيب افضل من التشليح 

ﻷن بتكون القطع شد بلد و قطع الغيار بتركب اصلي

ولكنه غالي و لازم تشوف ورشة معروفه بالتوضيب


اما المستخدمه ادا بتشتري مستورده تكون بالعاده انظف من التشاليح

ولكن ما تدري كيف استخدام راعيها


والارخص تاخد مكينة عظم بدون رجيع 

وتركب قطع مكينتك فيها 


والخيار الك

اغلب الكومنتات تشليح 

طيب يالربع التشليح يظمن لك اقل من شهر ولا قل شهر 

طيب بعد الشهر خبطت عليك راحت عليك 

ولا تدري شلون كانت استخدامه وكم ماشيهه ويمكن اغلب التشاليح يوظب تجاري ويلفقه عليك 

انا نصيحتي لك وظب يارجل 

بس اهم شي القطع وكاله  + الميكانيكي ممتاز   

اخوي انت شوف بنفسك لكن الاحسن انط توضب لانك ما تدري الشخص اللي كانت له السيارة كيف سواقته يمكن البعض تكون رجله حارة ماشاء الله في الدعس وما تدري يمكن انه الرجال ماكان يهتم في المكينه او ما يعبي لها زيت الا كل 10 الاف تقريبا لكن لو توضب مكينه يكون افضل لانك بتجيب مكينه جديدة وترجع المكينه زي اول هذه نصيحتي اخوي لك 

التوضيب أفضل بدون أي مقارنة ولكن في حالة وحدة .. إذا كنت تتعامل مع ميكانيكي شغله مضبوط وثقة ..
لاتستخسر المبلغ اللي يطلبه الميكانيكي ( الفلبيني ) لأنهم والله من واقع تجربة طويلة آمينين جدا في العمل ويشتغلون بضمير وحريصين إنهم يقدمون لك أفضل جودة ممكن , لذلك ابحث عن ورشة فيها فنيين فلبينين وادفع فلوسك بتوضيب احسن من إنك تدفعها بمكينة تشليح ماتدري وش فيها ومتى ممكن تخرب عليك

يااخي هيمي قيمتها بالسوق ماتوصل ٣٠ الف حرام توضبها بااكثر من ١٠ الالف لان قطعها غاليه 

اتوقع التشليح افضل لكن لو نفرض السيارة موديل ٢٠١٢ ماعندي مشكلة لو احط فيها هذي وجهة نظري 

بالنسبة للافضل اكيد التوضيب افضل لان كل شي بيرجع جديد 


بالنسبة لي لا جيت اوضب سيارة اشرف عليها بنفسي 

اغلب الناس لو انه فتضي وماعنده شي مايروح يشيك على موتره (اتكالي)

اذا بتاخذ مكينة من سيارة ٢٠١٠ وفوق اوكية 

اذا بتاخذ مكينة من سيارة نفس موديل سيارتي !!!!!!!!!

التوضيب افضل

عفوا ... سيارتك انت هههههه مو انا

مشكلة التشليح شوف عيني ياخذون المكاين الرجيع

من اللي يبون يشترون مكاين ثمن يوضبونها تجاري ويرجعها بالسياره اللي عطاك منها مكينه سابقا

ويجي غيرك ياخذها ويركبها شهر بالكثير الا وهي تحرق زيت وتخبط

فالافضل توضيب كامل زي ماتفضلو الاخوان ويغير القطع التالفه واللي نص عمر

امن لك وان شاء الله تدوم اطول فتره

مشكورين ويعطيكم الف عافية 
بس كم يكلف التوضيب وعلى فكرة الكلايسلر ماخذها بسعر خورافي مع لوحه مميزة 

توضيب شغل يد من 2000 ل 2500
القطع ع حسب الي يطلبه المكانيكي من 4000 لين 8000

أنا وضبت ب5500 وكلش تمام