كلزلر الشكل الجديد..نصيحه مهمه لمن يرغب الشراء.وتحذيرومبادره

9 7

لايمكنك التصويت حتى الحصول على 20 نقطة على الأقل
إضغط هنا للإخفاء

ابو تركي وفارس 48
قبل 10 سنه و شهر

السلام عليكم ياشباب
الحقيقه اللي خلاني اطرح الموضوع هو اني حطيت الكلزلر في بالي واكون صريح معكم انا توني حديث عهد بالمنتدى صراحه ...ولي تقريبا حول الشهر اقلب بهالمواضيع واشوف بعض الردود والحقيقه فيه اشخاص الله يعطيهم العافيه فادوني بمعلوماتهم من خلال ردودهم وعندهم امانه .واللي لاحظته صراحه انه فيه مشكله كبيره عند اللي يعرضون سياراتهم للبيع بشكل عام وبالخص الملكه الكلزلر لاني مهتم فيها ..صراحه انا كنت غشيم ومن جنب القده ولا اعرف الفرق بين الهمي وبين ال 6سلندر ولا بين الاكزكتف ولا بين ال اس ار تي ..ولا عن اسعارها والليي فادني اني رحت للوكاله واخذت فكره عن اسعار الانواع الثلاثه والالوان ..يوم طيبت بالممنتدى شفتكلم ناس مو يم سالفه وراقين الرصيف
..بحدهم او سوماتهم ..يعني مثلا في الوكاله الهمي فل كامل بحدود 166 الف ..وعلى الزيور موديل 2014 ..وتلقى الوان حلوه بيضا ورصاصي ..يجي الحبيب ويعرض سياراته موديل 2012 وطبعا فل كامل ..وتلقاها ماشيه 40 الف ويقولك حد 120 وبعضهم مره شاطح ويقول 130لا وتلقى لونها من الالوان المرغوبه وفيها رش او يقولك فيها حكه صغيره.... الف ..خير يابو الشباب الله يهديك ..سيارتك عدت مو ديلين ..ومستعمله ..وماشيه وحنا على ابواب 2015..الله يهديك خلك واقعي ..ترى الناس مو غشيمه وواعيه وتسأل والتواصل التقني عبر الشبكه العنكبوتيه والمنتديات المتخصصه وعتهم اكثر وخلت مسألة التقييم عندهم زي براد ابو اربعه هههههههه..ياخوي خلك واقعي بحدك وسمح ولا تغبن الناس ببيعتك عشان الله يبارك لك ..ادري بتصجنا وتقول حلالي وانا حر فيه ويجيك واحد يعززلك ويمكن من الشريطيه اللي يهمه تثبيت السعر عند مستوى سعري معين عشان يصرف اللي عنده..بس صدقني ارجع واقولك الناس مو غشيمه وفي الاخير ماعندهم استعداد يدفعون في شي اكثر من قيمته وراح تنقع وانت تحرج على سيارتك..والامر الاخر ياشباب اللي خلاني اطرح الموضع شغلها لاحظتها ونوروني اذا كنت مخطي ..الاحظ بعضهم يعرض سيارته ويقولك مثلا همي فل كامل واللي اعرفه ان جنوط الهمي 20 ولها شكل معين يسمونها اعتقد الشمس او المرواح ..ويوم تجي تشوف جنوط سيارته تلقاها الجنوط العاديه ومقاس 18 ..يعني اذا كان توقعي صحيح فهذا قاعد يستدلخ الناس ويغشهم وقاعد ياخذ القديمه الاصل حقت الوكاله ويبيعها بكم الف..ويركب جنوط تجاريه صينيه ب 900 ولا مادري بكم سعرها ومسوي فيها ذيب..ياخي حرام عليك وشلون تقول فول كامل وانت لاهط الجنوط الاصليه وغاش الناس ليس ماتكون صريح وتبري ذمتك وتقول ترى السياره فل كامل الا الجنوط ..وكلنا عارفين ان الجنوط الاصليه بالشكل اللي انا حددت ستايله غاليه بحدود كم الف بالوكاله يمكن من 12 الف الى 16 الف اذا انا مو واهم ..يعني مبلغ دسم ..والمفروض انه ينزل من سعر سيارتك ..وانا مثل ماستفدت من اصحاب الذمه والامانه شفت انه برضه علي دور اني اساهم في طرح موضوع توعوي يمكن يفيد غيري..الامر الاخير ياشباب انا ابي اطرح مبادره اللي هو تحديد السعر العادل لقيمه السياره كلزلر وطبعا الشكل الجديد اللي بدا من 2011..ومعيار الاسترشاد هو طبعا موديلات 2014 واسعارها بالوكاله للفيئات كلها ..وابي اسمع مشاكاتكم واطروحاتكم لان هالامر اكيد بيفيد غيرنا عشان ماينضحك عليه..وطبعا فيه معايير كثيره احب اني احطها امامكم واذا لكم ملاحظات عليها منكم نستفيد ..ومن ضمن هالمعايير موديل السياره كم يخصم من سعر السياره الخصم اللي تشوفونه مناسب وممشى السياره..والجنوط ..والمواصفات

ومثال بسيط

...سياره كلزلر فل كامل موديلها 2012 وماشيه خلنا نقول 30 الف ...كم السعر العادل لها ..وطبعا المعيار الاسترشادي هو سعر موديل 2014 في الوكاله اللي هو تقريبا 165 الف ...بافتراض ان اللون هو اوحد وخلينا نقول الابيض...تحياتي لكم

إبلاغ

الردود