أضف سؤال أو موضوع جديد          

صدمني اليوم وسؤال على التأمين

up 2 down 0
shecoo 565
قبل 6 سنه و 10 شهر



السلام عليكم ورحمة الله وبركاته 

اليوم موقف السيارة عند المسجد طلعت ولقيتها مصدومه ( رجع علي جمس ) وهو عنده تأمين في التعاونية ضد الغير 
جاء نجم وصور الصدمة وقال تروح لهم بعد 48 ساعة ومن حقك تطلب تصليح وكالة خصوصا ان السيارة 2013
ولا مشت الا 700 كيلو 

الأضرار رفرف يمين قدام + طرف الباب وماادري تأثر شيء جوا  ولا لا 

الرفرف لازم يتغير تقريبا انتهى والباب فيه ضربه في طرف الباب ما ادري يصلحونه او يبدلونه وهل من حقي انهم يغيرونه ؟ 

وأبي ورشة تنصحون فيها تضبط اللون وبدون معجون في الرياض 


وجزاكم الله خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ...

الحمد الله على سلامتك

واخر المصايب ان شاء الله

وبخصوص الورشه عندك ورشه بطريق المدينه

اسمها ورشة الشعلان والورشه جدا ممتازه بالرش وعندهم رش فرن

ويطبقون لك اللون بالتمام

وصلحت عندهم اكثر من سياره

اوبترا وهوندا جديده واوريون حقت واحد من الربع

انصحك فيها بس سعرهم شوي غالي

لانهم افضل ورشه شفتها بطريق المدينه

ولتفاصيل اكثر راسلني على الخاص

موفق يالغالي


up 1 down 1
amear 1347
قبل 6 سنه و 10 شهر



طبعا سيارتك جديدة ولازم تسعر القطع في الوكالة و واي شي مصدوم يتغير وما يتصلح حتى لو كان عفط بسيط 


up 3 down 0
شليطيح 5019
قبل 6 سنه و 10 شهر



جزاكم الله خير 

اخ شليطيح 

طيب الوكالة لو قالت نسمكره ؟ اقدر اطلب تغيير الباب ( تعرف شركات التأمين ) لان تكلفته عاليه تقريبا 5الاف وشوي بدون بوية ؟ 


up 0 down 0
shecoo 565
قبل 6 سنه و 10 شهر



ايه تقدر ومن حقك تطالب , لو فيه عفط مثل اصبعك , غصب عليهم يعطونك باب جديد , وثاني شيء لا تصلح ابدا عندهم . خذ الفلوس وصلح السياره بنفسك , لانهم ممكن يصلحون سيارتك باحد الورش الابو كلبيه وانت تكون الضحيه , وطبعا تسعير القطع من الوكاله نفسها ماهي من الورش لان موترك جديد

تحياتي لك وما تشوف شر


up 0 down 0
ابو يزيد 000 8712
قبل 6 سنه و 10 شهر



جزاك الله خير :)

بالنسبة للتصليح ماني مصلح لا عندهم ولا عند الوكالة كل واحد اسوء من الثاني

بعد ما اخلص منهم واستلم الفلوس باخذ لفه على التشاليح ان لقيت نفس اللون ممتاز وان مالقيت شريتها جديدة 




up 1 down 0
shecoo 565
قبل 6 سنه و 10 شهر



طيب صلح في الوكاله اضمن خصوصا انك ماراح تدفع شي من جيبك التا مين الي بيدفع كل شي  وسلامتكم


up 1 down 0
ford احمر 20
قبل 6 سنه و 10 شهر



اخوي من حقك يعطونك قيمه قطع الوكاااله لو تطلع قيمتها غاااليه

اخوي معه كورلا وصدمه واحد وقدروها الصناعيه وشيخ المعارض بحدود ال6000 ريال .

وراح صلح السيارة تقريبا ب1800 ريال فقط.
لان شيخ المعارض يقدر سعر السيارة قبل الحادث وبعد الحادث ويعطونك الفارق.
وانت بيقدرونها ان شاء الله بسعر طيب 

وبالتوفيق


up 0 down 0
سيف22 106
قبل 6 سنه و 10 شهر



عندك ورشة القحطاني الي عند مسجد الكلباني بس اسعارهم مدبله يعني اذا قالك 1000 قل 400 وشغلهم مضبوووط


up 0 down 0
القصاب 166
قبل 6 سنه و 10 شهر



اخر سنتين تقدير وكاله واذا تكلموا مالك الا مؤسسة النقدددد




up 0 down 0
YASSER505 4173
قبل 6 سنه و 10 شهر



طبعا ياحبيبي تقدر سيارتك وتحت الضمان ..والتامين هو اللي بيدفع واهم نقطه قل شركة التامين ابي اصلحها بقيمة الوكاله لا يضحكون عليك ويقلون بنروح لشيخ المعارض ونساله ويردون عليك ويقولون لك شيخ المعارض قدرها بكذا ..قلهم بلطوا البحر انا سيارتي تحت الضمان وابي قيمتها باسعار الوكاله لاني مشتريها من الوكاله وهي تحت الضمان فمهت وش اقصد..واسمع اذا قعدوا يتفلسفون قلهم بروح اشتيكم عند وزارة التجارة ترى وزارة التجارة مع وزيرها الجديد البطل دايسهم دوس..انشب بحلوقهم حبيبي هاذي سياره جديده واسعار القطع يمكن نار ليس تدفعا من جيبك ولا يجيبون لك قطع تجاريه وشغل اي كلام باي ورشه سك


up 0 down 0
ابو تركي وفارس 48
قبل 6 سنه و 10 شهر



جزاكم الله خير اليوم ان شاء الله بروح اقدرها في الوكالة 


up 0 down 0
shecoo 565
قبل 6 سنه و 10 شهر



لوسيارتك انت مامنة تامين شامل مايحتاج توديها ورشة خذ الاوراق والسبارة 
عالوكالة على طول وهم يتفاهمون مع شركة التامين 
وشغل الوكالة افضل بكثير لانه مقارب للمصنع نفسه
وبعدين ماعندهم سمكرة اي شي باب اورفرف اوكبوت لوعفطة بسيطة يغيروه 
جديد وحتى لو يستخدمون معجون فهو اصلي موزي الي عندالورش 
طبعا اكلمك من واقع تجربة مع شركة هيونداي


up 0 down 0
رونق خاص
قبل 6 سنه و 3 شهر