أضف سؤال أو موضوع جديد          

رأي مجرب في الكرايسلر 2010 فل كامل ونصيحة هامة جدا

up 9 down 2
sultan-q 466
قبل 7 سنه و 8 شهر



سلام عليكم ورحمة الله تعالى وبركاته

في هالموضوع بتكلم ان شاء الله عن تجربة الكرايسلر c300 بكل حيادية وبنصح الي يبون يشترونها

قبل 3 سنوات بالضبط من الان الوالد الله يحفظه كان محتار بسيارة واعجبته الكرايسلر 2010 c300 فل كامل 6 سلندر وراح للمتحدة واخذها منهم جديدة ,

الحين ماشية حول 30 الف والوالد محافظ على صيانة الوكالة مع ان فيها نصب كبير تغيير زيت وفلتر بـ 1000 ريال !!

جودة السيارة ما عليها اي كلام من 3 سنوات ما اشتكت من اي شي ولله الحمد ما عدى مشكلة وحدة وهو صوت صفير مع الفرامل قبل سنتين وصلحوها على الضمان وانتهت المشكلة

يعني من ناحية الجودة اعطيها 100% ,

الفخامة صراحة السيارة فخمة ما شاء الله , العزل والرساوة لا بأس فيهم وحتى عزمها جيد لـ 6 سلندر

ناحية قطع الغيار نااااااااااااااار وانا انصح الاخوان الي راتبه تحت 10 الاف لا يقرب من الكرايسلر ابدا

شوفوا هالموضوع في موقع lx المتخصص في الكرايسلر والدودج , واحد معه كرايسلر جتها دقة من الامام حتى مو واضحة ابدا ولا كانها فيها شي وكلفته تصليحها 40 الف ريال !!

http://lx-club.com/vb/t16409.html


اذا كان راتبك فوق 10 الاف وصملت على الكرايسلر انصحك تأمن شامل لا تمشي بالسيارة ابدا الا وانت مأمن شامل , فيه واحد كاتب انه كان معه كرايسلر 2010 SRT8 وانصدمت الوجهية وما تضرر لا المكينة ولا القير والتصليح بـ 80 الف , عوضته التعاونية وراح طلع كرايسلر ثانية وكالة

يعني الزبدة لا تمشي فيها الا وانت مأمن مين المجنون الي بيصلح سيارة بـ 80 الف ؟

الرادار بـ 13 الف الشمعة الوحدة قيمتها 5500 والفحمات الامامية مع التركيب 1200 ريال اصطب خلفي بـ 2460 وصدام خلفي بـ 3471

طبعا التشارجر ماتوقع تختلف في اي شي لان الدودج تابعة للكرايسلر وهي نفس الشيء قطعها نارر الاصطب الخلفي بـ 5500 !!

اتقبل ارائكم

بالتوفيق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته 
الوكالة سيئة بس دحين اتحسنت بنسبة 20% واتوفرت القطع عندهم وانا حتكلم عن التشارجر الشكل القديم بحكم انه موضوعك  عن 
الشكل القديم والوالد الله يحفظه عنده الشكل القديم طبعا الزيت في الوكالة شوفت واحد معانا في المنتدى
واعتقد معاه 8 سلندر والتغيير بالوكالة ب 350 ريال  !! وزيت ال 6 سلندر 10w30  يعني العلبة ب16 والتشارجر 
والكرايسلر تأخذ 6 علب تقريبا تأخد 150 مع الفلتر مع حق شغل يد العامل وانت اذا في المنطقة الشرقية ولا الرياض عندكم 
محلات مختصة بالدودج واحسن من الوكالة  الاسطب الخلفي للتشارجر ب 800 ريال مادري بعد الخصم كم يصير والشمعة الامامية
ب 1100 ريال وكالة طبعا بعد الخصم وشوفت واحد عنده كرايسلر الشكل القديم غير الشنطة والاسطبين الخلفيين ب 2400 مع شغل اليد اعتقد 
ومعروف انه الفحمات حقت الدودج تعبانة وعندك فحمات سيراميك ب 550 ريال تحل المشكلة كلها وواحد من العيال دخل سيارته صيانة المتحدة
وغير زيت القير مع الدفرنس ب 1000 ريال واستلمها اليوم الثاني ماشاء الله وخليني اعطيك بعض اسعار قطع الغيار للماكينة من ناحية 8 سلندر 
البواجي ب240 ريال السير ب115 ريال موية الراديتر ب 55 ريال جلد المقصات نزلوها ب 70 ريال للحبة انت صادق انه قطع غيارها غالية بالنسبة للسيارات الاخرى بس عندك التجاري 
اسعاره مرا طيبة وزي ماقلتلك شوف اسعار القطع الاستهلاكية مرا حلو سعرها الشكل الجديد قطع غيار البودي غالية بس انت حتشتري سيارة وكالة امنها تأمين شامل وريح راسك وللمعلومية كل الجديد 
قطع غياره غالية بالنسبة لنفس الفئة للكرايلسر والدودج زي اللكزس الرادار برضو ب13000 يعني ماتختلف ولو تبغاني ادعملك الموضوع بأسعار القطع علمني ياغالي 


up 4 down 1
akabusaif 212
قبل 7 سنه و 8 شهر



انا مستخدم تشارجر والقطع رخيصه ياحبيبي فيه محلات برا قطع الغيار اصليه 
انت رايح للوكاله بيصلخونك على وجهك اطلع البحرين اذا انت بالشرقيه الزياني 
شوف الأسعار برا قطع الغيار 

ياحبيبي فحمات التشارجر 8 سلندر انا مغيرها بـ 220 اماميه اصليه 
وغير أرضية سيارتي قبل ركب واعمدة توازن 
الركب الوحده بـ 80 اصليه والجلد بحدود 60 ريال وهي 8 جلد للجهتين 
واعمدة التوازن ماني متذكر والله 
والبدي اكيد غالي أما راعي الاس ار تي الصدمه ماوصلت المكينه بـ 80 ههههههههههههههه 

انا لاقي اس ار تي 2009 بـ 75 


ياخي بالعقل انت تروح يم الوكاله بيعطونك على وجهك وانتو ماكرفتو الموتر زين لكم 4 سنوات ومشى الموتر 30 الف و 6 سلندر 

انا كان عندي واحد 2008 واخذته ومشيته حدود 90 الف ولا اشتكيت منه بشئ وصار عليه حادث والمكينه شبكه انكسرت وانباع تشليح ولا حتى دورة قطع الغيار 

وأسعار قطع الغيار رخيصه برا 
نجوم الرمال 
النجم الساطع 

انا مستعد أنزل تسعيره لـ قطع الغيار من 2010 وتحت 
ولـ 8 سلندر لتشارجر 
والكرايسلر نفس القطع الميكانيكه والارضيه حق السياره 


وسعر القطع برا في محل قطع الغيار واصليه وفيه قطع تجاريه واصليه 

والسالفه مو تعصب بس انا مستخدم هالشي وأسأل عن قطع الغيار 
والقطع أرخص من بعض السيارات بنفس موديلها و 4 سلندر 

البدي غالي بسبب التأمين أما الشمعاة من 2010 وتحت رخيصه تأخذ 2 اماميه معا عدسات بـ 700 
لـ التشارجر أو الكرايسلر 
الشبوك الاماميه رخيصه وأشكال وبحدود 200 

انت تركض وراء الوكاله والوكاله تعطيك سعر نار 




up 8 down 1
احمممممدها 1117
قبل 7 سنه و 8 شهر



سيارتي ماخذها وهي ماشيه 110 الف كيلو ووصلتها 200 وعليها


up 1 down 0
احمممممدها 1117
قبل 7 سنه و 8 شهر



اشكرك اخي 


نقلت لنا صورة عن السيارة مع ان البعض اشتكا منها 


لاشك ان السياره ممتازة ولا عليها غبار من قوة في الاداء ومن الراحه للركاب 


عندي ملاحظة وليست ملاحظه ... ( كيف تجي ذي )  ههههههه

تمنيت ان السيارة ماشيه اكثر من 100 الف حتى نعرف ما المشاكل التي واجهتك 
وكيفية اسعار القطع من زيوت القير والفلاتر والسيور والبواجي


لك لايك اخي 


up 2 down 0
عابر سبيل 2002 257
قبل 7 سنه و 8 شهر



الاخ ahy

ما قصرت لان فيه اكثر من واحد يتراجع عن شرائها بسبب القطع


up 2 down 0
عابر سبيل 2002 257
قبل 7 سنه و 8 شهر



بخصوص الممشى يا اخوان المدينة المنورة صغيرة من شمالها لجنوبها في 5 دقايق لذلك ما مشت كثير

بخصوص الاخ ahy اتوقع لو سيارتك موديل جديد ما راح تشتري لها قطع غيار تجارية :) , وفوق هذا التسعيرات حقتي ما جبت ولا وحدة مني كلها من موقع LX المتخصص في الكرايسلر والدودج يعني بالله راح يكذبون ؟

طارق انت لك نفس الكلام انا لو تبيني انزل لك صور الكرايسلر حقتنا نزلتها لك وانا كتبت رأيي بحيادية بخصوص جودتها وفخامتها وعزلها وعزمها لكن قطع الغيار ما تقدر تنكر انها غالية وعلشان اكون حيادي اكثر جبت اسعار قطع الغيار من موقع LX مو من راسي , وانا فاتح الموضوع علشان انصح الناس لو بتشتري الكرايسلر يأمن شامل فقط :)

تعصبك خلاك تفهم من .......


up 3 down 3
sultan-q 466
قبل 7 سنه و 8 شهر



مشكور   ع  موظوعك   ولك  لايك

بصراحه   الكرايسر   ماشريته
لاكن  ركبته     فخم   وهيبه

وقطع  الغيار

عندك   تويوتا    البلا   والغلا

الكامري  اللي  لافخامه  ولارساوه  ام  فليييين

قطعها   ترووووع

الهلكسس   قلب  عليها   اخوي

واخذنا  اغراضهامن تشليح   وشي  من  الغيار

غاااااااليه   مررررررررررره مررررره

ولاتجد  اغراضها بالتشليح  لانها  مطلوب  غيارها  لسبب  كثرة  حوادثها   


up 0 down 1
امير الاصيل 1714
قبل 7 سنه و 8 شهر



مشكور أخي على طرح تجربتك واستفدت منك الشيء الكثيرخصوصاً بقطع الغيار
اولكن لي تعليقان
الأول:أن السيارة مع الوالد واوالد الله يحفظه استخدامه واستخدام الكبار أمثاله حشمة الحشمة.
الثاني:ممشى السيارة قليل 30 ألف وتعتبر جديده.
أتمنى نك طرح التجربة بعد مايمشي الموتر 100 ألف
والله يبارك لكم بالموتر ويكفيكم شره


up 0 down 0
نايلات 52
قبل 7 سنه و 8 شهر



ياحبيبي سيارتي راحت بحادث وممشاها 210 الف كيلو 
انا شريتها وممشاها 110 ومشيتها أكثر من 90 الف مااتذكر الا انها وصلت 206


up 0 down 0
احمممممدها 1117
قبل 7 سنه و 8 شهر



كيا كادينزا صدامها ب3000 وعليها قسم بالله !!! الاسعار نار صدام ياحبيبي فيبر ب3000 وش خليت
للبدي الحديد والله مصيبه وان جيت بتأمن شامل بيصفقك بذاك المبلغ


up 1 down 0
الالنتراوي 5150
قبل 7 سنه و 8 شهر



وش تبغى بالوكاله شوف الرمال او غيره من محلات القطع قطع اصلي ورخيصه جدا ارخص من تويوتا بمئة مره انا مجربهم الثنين والان معي اس ار تي


up 0 down 0
كلاشنكوف z -2
قبل 7 سنه و 8 شهر



ترا صوت الصفير الي تقول هو الفحمات لها عمر محدد وبعدها تصير تصفر وقت الفرامل 

بكم غيروها؟


up 0 down 0
معالم التقنية 144
قبل 7 سنه و 7 شهر



ياشباب الله يخليكم للي لة خبرة كم سعر دينمو كرايسلر 6 سلندر 2012


up 0 down 0
ابوعبد الرحمن 2920
قبل 5 سنه و 7 شهر