ظهرت لي مشكلة جديدة في الكرايسلر

سيلونايد والله العالم احد حساسات القير

المفروض ماتمسحها توديها مركز صيانه يشيكون عليها عشان تعرف وين المشكله


والمشكله مثل ماقال اللي قبلي احد حساسات القير وهذا موقع يتكلمون عنها


http://engine-codes.com/p0752.html

عزيزي,,
هناك عدة اسباب لهذه الرسالة منها :
- زيت الجير قليل ويحتاج زيادة
- زيت الجير وسخ ويحتاج تغيير
- مشكلة ب (بلوف وحساسات الجير)
- عطل كهربائي في البلوف
ولكن عادة تظهر الرسالة بسبب مشكلة ميكانيكة وليست كهربائية وهي على الارجح وجود شوائب واوساخ تعطل حركة البلف
 
انصحك بفحص عند محل كمبوتر متخصص ولا تثق بجهاز OPD2 لانه غير دقيق في كثير من الحالات

والله يا اخواني لو مو دقيق كان ما أظهر هذه المشكلة 

على العموم بوديها بكرى للورشة وأشوف 

مع ان ما فيها شيء سويت فحص مرة ثانية ولا طلع الكود

شكرا لكم 

امش عليها فتره  وافحص ثاني مرة      احتمال يوم سويت  فحص كان الموتر له فترة واقف 

ليش تشتري جهاز وعندك في ألسياره تقدر تسوي فحص 
بحركة المفتاح 
سوي فحص بالمفتاح وشوف الأكواد اللي تطلع لك 
أتوقع أن ألقير يحتاج تغير زيت وفلتر قير 
ترا ماراح تكلفك معا شغل اليد أكثر من 400 أقل منها إذا كنت من الشرقيه روح ورشة العميد هناك راح يفيدونك أكثر ناس فاهمه 

إذا سويت مسح للكود وفيه مشكله فعلا راح يرجع الكود بعد كم مشوار على ألسياره 

يارجال دام الموتر تغيراته سليمه وشغله تمام
لاتوديه لاورشه ولا غيره

ما اعرف سوي فحص عن طريق المفتاح حاولت وما عرفت 

والسيارة تمشي و ما فيها مشكلة بس طلع لي هذا الكود وخوفني ان يصير فيها شيء 

تعتقدون انه حساس 

زيت القير نظيف مافيه شيء السيارة تقريبا واقفة ما طلعت على الخط لها 5 شهور 

وش تتوقعون حساس بدأ يهلوس و بيخرب علي ولا وش السالفة ما ابي اهملها خاف يصير فيها مثل اللي صار في الكروز 

وهذا الشيء ما ابيه 

شف وانا اخوك السياره لا بد تمشي عليها كل فتره وفتره وانا يا مكلمك معي موترين واغلبها توقف كثيييييييير لان طلعاتي قليله ولو طلعت اطلع مع اخوياي وبصراحه لما اشغل السياره وامشي فيها تحس انها ثقيله وبعد فتره من المشي تخف وترجع لطبيعتها تدري ليش ؟؟ لان بعض الاحيان تكون الترسبات متراكمه ع المكينه وبكذا بعض القطع الميكانيكيه في المكينه ما تشتغل بشكل سليم لان الموتر مطول وهو واقف ف يا اخي الكريم انت حاول ما توقف سياراتك كثير وحاول تشغلها بين فتره وفتره يعني كل يومين مره واطلع فيها لو مشوار قريب وارجع طفها عشان ما تنعدم عليك الصوف وبعض الاحيان البطاريه تخرب عليك 

وفيه اشياء ثانيه اذا موترك قديم احتمال كبير يكربن ولو كربن هههههه اسالني انا والله بهذلني يالله طلع منه الكربون الموتر جمس 1993 

ف انا قلت هالكلام عشان ابين لك ان موترك واقف له مده ويمكن بعض الاشياء ما بعد رجعت لحالتها الطبيعيه اقصد القطع الميكانيكيه والافضل مثل ما قالوا الاخوان روح عليها كم مشوار يعني اليوم وبكره وبعده وبعدين افحص ولو ما طلع شيء احمد ربك 

وحاول انك ما توقفها كثير نصيحه لك خصوصا محركات ذات ال8 اسطوانات 

طيب مو مشكله هذي الطريقه جبتها لك 
غريبه عندك كرايسلر ولا تعرف فيها شيء 
شوف لازم تفهم في ألسياره هذي وإلا ماراح تفلح معها حاول تفهمها ترا مو لازم تدلعها عادي شغلها واطلع فيها مشوار في اليوم الواحد أو كل يومين مشوار تعال أوريك العيال اللي ماتوقف مواترهم وماشيه أمورهم حاول تحركها يوميها تراها عمليه يعني مايضرها شيء قلب في الموقع السيارات كرايسلر 2005 و 2006 و 2007 و 2008 
تراها توصل 300 ألف كيلو وتشوف وقفتها ماشاء الله بس ابعد عن الحفر ولا تزرزر كثير 
المهم هذي الطريقه 
وترا ماعندي خلفيه عن المسح أحيان تطلع إكواد ولا فيه مشكله 
الحل لها تفصل البطاريه 20 دقيقه بس لإتقفل الشنطه عليها ههههههههههههه 
وأشبكها راح يختفي الكود إذا رجع أعرف أن فيه مشكله إذا مارجع مافيه مشكله 
هذي حركة المفتاح 


ضع المفتاح على وضع ON


ثم على ACC


ثم على ON


ثم على ACC


وأخيراً على ON



1- الخطوات السابقة لازم تكون بسررعهـ .
2- وضع الـ ACC هو أول وضع بعد لف المفتاح .
3- وضع الـ ON هو الوضع اللي تشتغل لمبات الطبلون فيه .
4- هذي الطريقة مجربة على جميع فئات الدودج تشارجر وكرايسلر 300 سي .

 

كامرري قراندي الكلام على لساني بس انت قلته 
مابغيت أكثر كلام 

تراا كلام كأمري قراندي صحيح

مشكور يا اخوان على النصائح

وشكرا على طريقة الفحص بجربها ان شاء الله

وانتم عارفين 4 سيارت وش اب الحق كل يوم اوقف قدامها واحتار وش اخذ هههههه

تعودت على الجمس والله ومريحني لاني احب سرعة ولا شيء ولاكن عاد لازم الواحد ينتبه لسياراته الثانية ويحافظ عليها

بروح اليوم واغسله واغير الزيوت و الحمد لله على كل شيء.

شاكر لمروركم

كلام اخوي a.h.y صحيح وهذي هي الطريقه الصحيحه 

واسف ياخوي عطيتك لايك للرد اللي تحت وعطيتك لايك للي فوقه ورفض وعطيتك ديس لايك وعدلتها ورفض يقول لا يمكن تقييم العضو اكثر من مرتين في اليوم وهذا غلط المفروض يكتبون لا يمكن تقييم العضو اكثر من مره بس الشكوى لله ههههههه 

اعتذر منك يالغالي

كامري قراندي مسموح يالغالي خذ راحتك لين يصير سالب تفداك إلأيكات كلها يأشيخ ههههههههههههههه  
كروزر 
الله يعينك عاد ويزيدك من خيره ويطعمك خيرهم ويكفيك شرهن

عاد لازم تسوي جدول لسياراتك كل يوم تكرف وحده المفروض الجمس اللي يريح لأنه عادي عنده 

شوف لازم تخلي سواقتك وسط لا سرعه ولا مهدي حيل ترا. بعض السيارات يبي لها عين حمراء من وقت لوقت ههههههههههههههه لاتدلعهن ككثير

هههههه اي تدليع قول الله يعين عليهم

انا بعض الاحيان اسلم سيارتي الهايلكس لخوي و الكروز اسلمها لخوي الثاني بس ما عندي اخ ثالث اسلمه الكرايسلر ههههه

والله الجمس ما في منه وخدوم ويستحمل حتى اني فكرت اني ابيعهم واخلي الجمس بس اخاف احتاج وحدة فيهم في المستقبل تسد عن سيارة ثانية


الله يعين ومشكور لمروكم

هذي المشكله من حساس القير رقم 1 تجي قطعه سوداء مربعه فوق الكارتير