أضف سؤال أو موضوع جديد          

قصه غش الله فكني منها والله يوفق اللي رزقه حلال

up 30 down 3
السهل الممتنع 6399
قبل 6 سنه و 5 شهر



السلام عليكم ورحمة الله وبركاته 
كيف الحال اخواني ؟؟؟؟؟
عساكم بخير 
كانت عندي سياره كلايزرجديده ماشاء الله
وفجأه بدت بعد ما اشغلها بربع ساعه تغلي قربة الماء
والمشكله ان الحراره تحت
وسألت اهل الخبره قالوا لي هذي بسيطه اكيد وجه راس حسب تصنيفهم 
المشكله ؟
القربه تغلي 
وساعة الحراره تحت
؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!
اذاً
؟
اكيد اني انغشيت وساعة الحراره ملعوب بها 
والمشكله اني اسرعت ماتفور ولاتغلي 
قالوا لي لانها تبرد مع المشي
!!!!!!
وانا اعرف وجه الراس مايبرده ولا مشي ولاالف مروحه تبرده لاصار عاطل 
المهم مو لازم اعاند وانا اشاور لان مجالي بيع وشرا 
ماني ميكانيكي
قلت هم اهل الخبره 
لازم اطيعهم
المهم الله يحفظكم 
وقمت بهاك الصباح الساعه 7 والجو قبل ماتصير الشمس حاره
ومن معارض النسيم الى صناعية الفواز ( لان السياره ماتفور مع المشي )
ههههههه يعني مو توفير لفلوس السطحه ههههههههههههههههههههههه
المهم
وصلت الصناعيه 
ومن ورشه لورشه
هذا يقول 4000 ريال
وهذا يقول 3000 ريال
وهذا يقول 2950ريال 
المهم الله يحفظكم .....
واحصل شايب فلبيني طلب 1500 ريال بضمان شهر قلت بس هذا هو 
فلبيني وخبره وضمان شهر وسعره 1500 ريال
اذاً هذا هو الميكانيكي المثالي .....
نويت اصلح عنده ..........................
وقلت خلني اشوف غيره 
وبنفس الوقت اعبي بها شوي بنزين 
قبل ماتدخل الورشه 
واول الطريق اصادف ورشة سوري  الله يوفقه ( نفعني والنافع الله )
وشرحت له 
وقال كيف تقول وجه راس ووانت ماشي على السياره !!!
وقال لو وجه راس ماتمشي عليها تفور على طول 
قلت له كيف !!!!!!!!!!!!!!!!!!!!!!!!!!!!!!!!!!!
قال يااخوي مانا ما ابي اغشك 
قلت يا اخوي اول شي ماقصرت لكن سيارتي تفور لا وقفت
المهم فتح الغطا 
وشاف وقال السياره شكلها وكاله ودقق ودقق
وقال روح لابو راديترات العطل مهو وجه راس والدليل انك لامشيت ماتفور السياره 
وساعتها ممتازه 
يقصد ساعة الحراره تحت والسياره تفور

........

والله اقنعني
ورحت لصاحب راديتر اسمه فيصل بصناعية الفواز اللي بعد محمد الناغي وماكس 
وقلت له افحص 
فحص كل شي
شاف الراديتر نظيف
والطرمبه 
وال .... كل شي ممتاز
واحترت 
ناس تقول وجه راس 
والسوري يقول مو وجه
المهم
قال ابو راديتر
روه جيب غطتا راديتر !!!!!!!( رح جب غطا راديتر )
قلت له ليه 
قال هزا خراب ( قال هذا خراب )
قلت يارجل بالله عليك 
قال جرب كلها 25 ريال اصلي 
اقنعني ان المايتسرب لاوقفت السياره من غطا الراديتر
ولا مشت يتسرب على الخفيف وانا ما احس 
!!!!!!!!!!
الهم
رحت وجبت غطا راديتر 
لكن ماني مقتنع !!
بس قلت هي 25 ريال 
 وجرب وكلام السوري مقنع 
يعني هو له الفايده ان فك الراس
وكذلك ابو الراديترات يقول ماعندك شي خربان ؟!!
المهم
جبنا غطا الراديتر 
وركبناه
وشغلنا المكيف والله يا اخواني وانا حالف ولاني ناقل الموضوع انا اخوكم السهل الممتنع
وساعه والمكيف شغال والسياره واقفه 
والحراره ممتازه وراح التفوير 
وبعتها لزبون والزبون الى يومه هذا يدعي لي
وانا
اقول 
الله يوفق صاحب الورشه السوري 
الله يوفق صاحب الراديترات لو واحد ثاني كان صيخ الراديتر وضحك علي

العمل أمانه 
والأمانه ثقيله 
لو ماصادفت صاحب الورشه الله يوفقه كان ضحكوا علي الفلبينيه واخذوا فلوسي وضيعوا
وقتي وركبولي غطا راديتر 
لانهم يعرفون العطل 
كيف عرفت ؟؟
لانهم يوم قلت لهم لامشيت ماتفور نزلوا بالسعر ونكسبك زبون ووو وخصم خاص 
ومن 3000 ريال الى 1500 ريال وعليهم مخرطه ووجه راس وووو

المهم اخواني العمل امانه والله يا اخواني محد مخلد بكره حفره مظلمه ان طال الزمن او قصر
حياكم الله وعفواً على الاطاله
اخوكم ابو طلال خالد العنزي ( السهل الممتنع )













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حلو وجميل جداً .. الأمانة ثقيلة كما ذكرت .. والسوري كسب دعاء بظهر الغيب وهذي أجمل من كنوز الدنيا ومافيها

الله يوفقه ويوفق جميع المسلمين الأمينين


up 1 down 0
تركي ـآلشمرآني 41
قبل 6 سنه و 5 شهر



إحنا جمب بيتنا في بنشري ابوي عميل عنده  يماني بس احيانا ابوي يستشيره في حاجات 
بس حمدلله ابوي مهندس اي عطل لا سمح الله في سيارته يعرفو هوا بدون ما يروح 
لي الميكانيكية 


up 1 down 1
الله ييسر كل معسر 77
قبل 6 سنه و 4 شهر